படித்தவையும் பிடித்தவையும்

யூடியுப்-ஐ தாக்கி சைக்கிள் ஒட்டிய கணினி கொள்ளையர்கள்

யூடியுப்-ல் கடந்த சில மாதங்களாக கணினி கொள்ளையர்களால்
பிரச்சினை ஏதும் இல்லாமல் இருந்தது ஆனால் இப்போது மறுபடியும்
கணினி கொள்ளையர்கள் யூடியுப்-ஐ தாக்கி சைக்கிள் ஒட்டியுள்ளனர்
இதைப்பற்றிய சிறப்பு பதிவு.

புரோகிராம் எழுதுபவரை விட அதிகக் கணினி ஞானம் உள்ளவர்கள்
தான் ஹேக்கர்கள் என்று சொல்லக்கூடிய கணினி கொள்ளையர்கள்
இவர்களால் கணினியில் செய்ய முடியாதது என்று சொல்ல எதுவும்
இல்லை. அந்த அளவிற்க்கு கணினியிடம் நட்பாக இருக்கும் இவர்கள்
பல இணையதளங்களை படாதபாடுபடுத்தி ஆட்டம் காண வைத்தது
அனைவருக்கும் தெரியும் சமீபத்தில் யூடியுப்-ல் செக்யூரிட்டி அதிகம்
அப்படி என்று செய்தி வந்தது உடனடியாக யூடியுப்-ஐ தாக்கி  தங்கள்
வசம் கொண்டுவந்தனர் அடுத்து சில மாத ஒய்வுக்குபின் இப்போது
மீண்டும் தங்கள் கைவரிசையை காட்டியுள்ளனர். யூடியுப்-ல் தெரியும்
ஒரு விடியோவில் தங்கள் கைவண்ணத்தை காட்டி வீடியோவை
நேரடியாக தாக்கி மாற்றியுள்ளனர். உடனடியாக யூடியுப் தொழில்நுட்ப
வல்லுனர்கள் இந்த பிரச்சினையை சரி செய்ய முற்பட்டு மேலும்
தாக்காத வண்ணம் காப்பாற்றி உள்ளனர். இப்போது இந்த வீடியோ
சரி செய்யப்பட்டுவிட்டது.
[ http://www.youtube.com/watch? v=iOvNQ7O8yMk&NR=1 ]

கிராஸ் சைட் ஸ்கிரிப்ட் என்று சொல்லக்கூடிய முறையை பயன்படுத்தி
தான் இவர்கள் யூடியுப் -ஐ தாக்கியுள்ளனர் என்பது நமக்கு தெளிவாக
தெரிகிறது. கிராஸ் சைட் ஸ்கிரிப்ட் பற்றியும் இதிலிருந்து எளிதாக
நம் தளத்தை பாதுகாக்க சில வழிகள் இருந்தும் இதை ஏன் யூடியுப்-ல்
இருக்கும் தொழில்நுட்ப வல்லுனர்கள் முயற்சிக்க வில்லை என்பது
ஆச்சர்யத்தை ஏற்படுத்துகிறது. சாதாரன ஒரு சின்ன பிரச்சினை என்று
இதை விட்டுவிடக்கூடாது.இதேப்போல் ஸ்கிரிப்ட்-ஐ வைத்து எந்த
இணையதளத்தையும் முடக்கலாம் என்பதால் உடனடியாக இந்த
ஸ்கிரிப்ட-ஐ தடுக்கும் வெப் செக்யூரிட்டி அப்ளிகேசனை
உருவாக்கினால் தான் இந்த பிரச்சினைக்கு தீர்வு ஏற்படும். காலமும்
நேரமும் கிடைத்தால் கிராஸ் சைட் ஸ்கிரிப்ட் பற்றி ஒரு விரிவான
பதிவு இடுகிறோம். கூடவே இன்னொன்றும் யோசிக்க வேண்டி
இருக்கிறது ஆர்வக்கோளாறினால் நாம் இடும் பதிவால் நிறைய
கணினி கொள்ளையர்கள் உருவாகிவிடக்கூடாதே என்ற
எண்ணமும் இருக்கிறது. கூடுமானவரை இலை மறைக் காயாக
கிராஸ் சைட் ஸ்கிரிப்ட் பற்றி நமக்கு தெரிந்ததை சொல்லிக்
கொடுக்க முயற்சிக்கிறோம்
.